Bo no sa kua trabou bo ke hasi? Bo tin yen idea interesante den bo kabes? Awendia ta bira mas difísil pa determiná kiko eksakto bo ke i kua trabou ta kuadrá mas ku bo. Ku e ehersisio simpel aki bo ta bai skrap den e lista. Al final lo bo keda ku tres opshon.
Traha un lista ku trabounan ku bo ta deseá di hasi. No ta importante kuantu nan ta òf kon bo deskribí e funshon. Hasi anotashon di kada un funshon. Eventualmente bo ta kuminsá ku bo talentonan ku bo lo ke usa den e funshon.
Agrupá e funshonnan
Studiá e lista i kompará. Si bo mester skohe entre funshon un òf dos, kua lo bo skohe? Kua funshon bo ta preferá ehekutá? E funshon ku ta parse bo mas great, bo ta usa pa kompará ku funshon 3. Ora bo repasá hinter e lista, e funshon ganadó ta sali afó. Ripití e ehersisio aki te ora sobra solamente tres opshon. Esaki ta bo tòp 3!
Sigiente stap
Awor ku bo tin un tòp 3 ta importante pa averiguá si ta e funshon aki mes bo ke ehekutá. Purba di buska pa kada funshon un konosí ku ta traha e trabou aki kaba. Bai papia ku nan pa laga nan sa bo interes den e funshon. Tambe bo por informá si nan mester di un hende den nan kompania.